Reglur dómstólasýslunnar nr. 4/2025

LEIÐBEINANDI

 

1. gr.

Gildissvið

Reglur þessar gilda um ákvörðun málskostnaðar þegar stefna er árituð í útivistarmáli eftir 113. gr. laga nr. 91/1991 um meðferð einkamála. 

Reglur þessar taka mið af XXI. kafla laga nr. 91/1991.

2. gr.

Grundvöllur viðmiðunar

Þegar stefna er árituð í útivistarmáli liggja til grundvallar ákvörðun um málskostnað öðru fremur sjónarmið um vinnu að baki gerð stefnunnar. Þó er í undantekningartilfellum heimilt að líta til annarra atriða, svo sem ef um sérfræðilega ráðgjöf er að ræða eða ef hagsmunir eru mjög miklir. Við ákvörðun málskostnaðar er heimilt að líta til þess ef um mörg samkynja mál er að ræða milli sömu aðila sem öll eru þingfest í sama þinghaldi. Einnig má líta til þess ef útivist hefur orðið af hálfu stefnda í máli sem áður hefur ítrekað verið frestað að kröfu stefnda.

3. gr.

Einstaka fjárhæðir málskostnaðarákvörðunar

Málskostnaður skal að jafnaði ákveðinn sem samtala grunnfjárhæðar sem rúmast innan viðeigandi viðmiðunarflokks samkvæmt 4. gr., kostnaðar við birtingu stefnu, þingfestingargjalda sem renna í ríkissjóð vegna málsins og sannanlegs milliinnheimtukostnaðar eða annars kostnaðar af því tagi samkvæmt gögnum sem stefnandi leggur fram við þingfestingu.

 

4. gr.

Í þennan flokk falla einfaldar kröfur svo sem samkvæmt viðskiptabréfi, reikningi eða reikningsyfirliti.

Í þennan flokk falla einfaldar kröfur frá húsfélögum og menntasjóði námsmanna,  endurkröfur tryggingafélaga, einfaldar kröfur vegna kaupsamninga og leigusamninga svo og sambærilegar kröfur. 

Miðað er við að mál taki til viðameiri álitaefna en mál samkvæmt staflið a og b svo sem um launakröfur, kröfur vegna kaupleigusamninga og fjármögnunarleigusamninga og riftunarmál samkvæmt lögum um gjaldþrotaskipti o.fl.

Miðað er við að um sé að ræða mál þar sem veruleg gagnaöflun hefur farið fram og álitaefni eru flókin, mál umfangsmikil eða hagsmunir mjög miklir.

Fjárhæðir samkvæmt viðmiðunarflokkum a-d miðast við stefnanda sem er með virðisaukaskattskylda starfsemi og getur þar af leiðandi dregið virðisaukaskatt sem hann greiðir ofan á þóknun lögmanns síns frá útskatti. Ef stefnandi er ekki í þeirri stöðu að geta dregið virðisaukaskatt sem hann þarf að greiða af þóknun lögmanns síns frá útskatti bætist 24% við fjárhæðir í viðmiðunarflokkum a-d.

 

5. gr.

Endurskoðun

Reglur þessar sæta endurskoðun um viðmiðunarfjárhæðir þegar dómstólasýslan telur þess þörf í ljósi verðlagsþróunar.

 

6. gr.

 

Þannig samþykkt í stjórn dómstólasýslunnar

5. mars 2025

 

Sigurður Tómas Magnússon

formaður stjórnar dómstólasýslunnar.